Re: Novaj vortoj por terminaro

[Kristjan SCHMIDT <kristjan schmidt googlemail com>]

> Tiuokaze mi ankaŭ volas atentigi la vorton »uzulo«, kompare kun
> »uzanto«. Laŭ KompLeks ĝi ebligas adjektivigon neprigante homecon.
> Ĉu vi trovus tion multe oportuna sen aldonaj problemoj?
Antaŭ iom da tempo iu de nia skipo jam proponis la vorton "uzulo". Mi
ŝatas ĝin pro la nomita avantaĝo (Tiel eblus traduki "user account" al
"uzula konto". La traduko "uzanta konto" ja ne estus taŭga, ĉar ne estas
klara ĉu temas pri konto kiu estas uzata aŭ konto de la uzanto.)

Mi nun ne vidas gravan malavantaĝon de "uzulo".

Opinioj de aliaj skipanoj estus interese :-)

> >  3. Mi ŝatus scii kion vi opinias pri la traduko de "log in / log
> >     out"
> >       * Komputeko proponas: "ensaluti / elsaluti"
> >           o Tion ni ĝis nun uzis, sed kiel Tirifto jam iam skribis,
> >             tio ne estas tre logika.
> >       * En la terminaro nun estas: "saluti / adiaŭi"
> >           o Tio propono eble estas iom pli bone, sed ankoraŭ ne
> >             kontentigas min. Se mi enigus mian uzantonomon kaj
> >             pasvorton en iun sistemon, mi tute ne salutas iun aŭ ion.
> >             Do kial uzi la radikon "salut-"? Eble iu povas klarigi
> >             tion :-)
> Kiam oni alparolas aliulon, oni kutime komencas per saluto. Forironte
> oni adiaŭas ĝin. Uzante komputilon, oni (ofte per provizo de nomo kaj
> pasvorto) komencas seancon – ian »interparolon« kun la komputilo. Poste
> oni sciigas la komputilon pri sia foriro, kaj la seanco finiĝas.
>
> Tiuj agoj pri la seanco signife similas la agojn de saluto kaj adiaŭo
> pri homa interparolo. La esprimo estas iom figurasenca, sed kadre de
> tiu ĉi senco, ĝi taŭgas kaj havas logikon por mi. (Kaj mi ankaŭ ŝatas
> la ideon saluti komputilon. Luda! :P)
>
> Ĉu tio bonas viasente?
Nu, rigardi tion kiel konversacio estas bona klarigo.

> >       * Nova ideo/propono: "eniĝi / eliĝi"
> >           o Se mi eniĝas en sistemon, mi estos en la sistemo. Se mi
> >             eliĝas, mi ne plu estos en la sistemo. En mia kapo tio
> >             nun estas tre logika, komprenebla kaj pli taŭga.
> >       * Kion vi opinias?
> La ideon mi esence ŝatas, sed certe pli profunde pripensus ĝiajn uzojn
> unuavice. Ĝi funkcius bone por salutoj al operaciumo, ĉar tiam oni vere
> eniĝas. Ĉe retpaĝoj, fojfoje ĝi sambone funkcius, sed oni ofte salutas
> jam ene, kaj tiuokaze eble devus kompreni ĝin iom alie – »eniĝi la
> konton«, ekzemple. Alia okazo povas esti saluto por aŭtentigo.
>
> Se ni parolas pri ĝenerala traduko, mi trovas la duopon
> »saluti/adiaŭi« taŭga. Ni tamen finesploru vian proponon se vi daŭre
> trovas ĝin eble preferinda anstataŭigo! :)
Mi povas akcepti la duopon "saluti/adiaŭi" nun. Sed eble mi remalfermos
la diskuton kiam mi vidos tiun duopon la unuan fojon en la salutfenestro
de mia komputilo ;-)

Amike
Kristjan