Re: Novaj vortoj por terminaro

[Sebastien Zurfluh <sebastien zurfluh gmail com>]

Bonan tagon.
> > sandbox (izolata entenilo) = sablujo
> >
> > Kvankam 'provejo' bonas, ĉar temas pri medio, 'izolejo' ne taŭgas
> > por 'izolata entenilo' kiu vere estas ujo. Sed 'izolujo' ne funkcias
> > pro la difino de ujo : izolujo estas ujo de izolo, kaj sensencas.
> > Ekzemple, usono estas ejo kaj ujo sed skatolo estas ujo, ne ejo.
> Konfesinde, mi ne konas la funkcian meĥanismon de izolado; imagadis mi,
> ke aplikaĵo izolata havas certan (malgrandan) medion, kie ĝi povas agi
> laŭplaĉe, sen la eblo tuŝi ϗ fuŝi ion ajn ekstere. Se tia ideo estas
> misgvida, tiuokaze ni turniĝu al ujeco, pri kiu mi havas rimarkon.

Ekzistas plurajn apartajn meĥanismojn kun diversaj niveloj de izolado, 
iuj komplete apartigas la apon de la sistemo, kaj iuj ne.

> »Izolujo« miapense taŭgas, ĉar afikso »-uj« ne laŭas severe ĉi-supran
> difinon. La sama fonto (PIV ĉe vortaro.net) ankaŭ diras:
>
> »Uj estas ankaŭ uzata post morfemo, signifanta procezon, por montri la
> vazon, kuvon aŭ keston, en kiu oni laŭdestine plenumas tiun procezon«.
>
> Inter ekzemploj ni trovu vortojn: »Fandujo, bakujo, malvarmujo [1],
> pistujo, lavujo, kolektujo«. Mi konkludas do, ke la signifo priskribata
> de gramatikaj libroj kaj implicata de efektiva uzado en sia sufiĉa
> ĝeneraleco permesas tian uzon de »izolujo«. (T.e. ujo, kie aplikaĵo
> estas izolata.)

Ŝajnas al mi ke la sablujo ne plenumas izolon, ĝi estas izolata, 
malsamkiel ekzemple pistujo: "Vazo, en kiu oni pistas". Sed eble, mi 
miskomprenas.

Mi lasas tiun subjekton al spertuloj, ĉar ĉiun el viaj uj-vortoj mi 
devis traserĉi en la vortaro !

> username = uzantonomo = uzulnomo
> user settings = agordoj de uzanto = uzulaj agordoj
> user manual = manlibro por uzanto = uzula manlibro
>
> Vorton »uzanto« oni devas ĉiam teni o-vorta, ĉar alie ĝia signifo
> ŝanĝiĝus. »Uzulo« estas multe pli fleksebla. En multaj situacioj, la du
> vortoj interŝanĝeblas. Tamen, ĉiu esprimas ion iom malsaman.
>
> Plej probable »uzulo« transprenus plejparton da uzoj de »uzanto«, sed
> fojfoje eble necesus plu uzi la duan. Tiel fariĝus pli klara signifa
> distingo. Pripensinde: Ĉu ni havas kialon voli aŭ malvoli tion?
Jes, ne ĉiam eblas scii ĉu temas pri nur uloj aŭ se temas pri nevivanta 
iĝanto. Plie, ĉar la angla ne distingas inter vivanta kaj nevivanta, ni 
ĉiam devus kontroli.


Do, mi ĝuis tiun konversadon kiu plispertis min en la lingvo, sed ne 
povas aldoni iom pli. Mi sekve rekoncentru sur tradukado.